☆Begarlo的話☆ 敷面都幾好玩丫！初試「我的美麗日記」淨化平衡黑面膜

其實我以前對護膚都冇乜認識亦都冇乜興趣，但係因為身邊的Partner係一個Beauty Blogger，由佢2-3年前開始寫Blog後，我逼於無奈都要去接觸一下呢D野... 洗面呀，搽面呀，敷Mask呀... 已經係呢2-3年來經常會聽到的話。而且間中都會有PR俾D男仕的Product佢交俾我去試。（當然我心裡面第一個反應就係 "PR姐姐你唔好玩我啦 ><"...）

 

點都好，有得試試下無防，自己皮膚好D，人睇落都會乾凈D，女朋友都會想錫我多D啦~ XD

 

講返今次試的係 "我的美麗日記"的淨化平衡黑面膜。一聽黑面膜就覺得佢好得意... 明明以前Begar迫我試的面膜都係白色架喎，黑色唔係黑頭貼來架咩...

 

望下Description先知原來呢塊面膜係採用進口高純度環保植物纖維材質融合碳黑微粒，而且仲好細心咁為男仕加大剪裁同加厚磅數, 唔似女仔用的又細塊又薄！

終於唔駛凈係敷3/4塊面喇！我的高鼻都可以覆蓋到，而且都幾貼面。

 

據說呢塊面膜係能夠 "充份改善油脂分泌過盛、提升肌膚保濕度，並擺脫黯沉膚色不均" 同埋 "能清爽、舒緩、修護受損角質，紓解日曬後肌膚的不適感受，快速提升對環境傷害的防護力"。

 而且, 可以有效減淡惱人暗瘡印及以碳黑微粒導入機制改善肌膚油脂分泌過盛，並提升肌膚保濕度，是專為油性、毛孔粗大肌膚設計~ 即係我~

  

聽落好似會好舒服咁... 用落呢... 第一個感覺覺得自己個樣好似悍匪 XD

加大左size的mask的確係可以將成塊面覆蓋住，而且咁厚身真係好貼服。其實我自己不嬲都好憎搽D好"立"的護膚品搽上塊面，但係呢個一D都唔"立"呀，涼浸浸好舒服~

用完我覺得塊面唔會好乾繃緊咁，平時我好懶搽面所以有時會乾到有點痛，但敷完又幾舒緩丫，塊面都望落醒神丫。

 

Begar話要一星期要敷一次，都okay啦，黑住面玩GTA都幾有feel呀！

 

Bye~任何查詢…都係問返Begar啦！

(按: Begar: 其實我在台灣時都見到想買來送俾Begarlo架啦！點知佢收到就咁乖自己敷^ ^靚仔d，無油光，我就錫你多d啦！)

 

想知道我更多穿搭和美容的心得，可以在我的Facebook Page看到呢^ ^歡迎大家like我的G4GLamour Page:

 

http://www.facebook.com/g4glamour

本博客中在此的陳述或意見，純屬個人感受，並不代表本網站或本公司的立場。閣下在決定購買或使用博客介紹的產品或服務前，請先就其作進一步了解。